 |
Отцу и Сыну и Святому Духу, ныне и присно и во веки веков.
|
|
|
|
Хор: Аминь.
Бог Господь, глас?:
Диакон: Бог Господь, и яви́ся нам, благословен Гряды́й во
Имя Господне.
Стих 1: Исповедайтеся Го́сподеви, яко благ, яко в век милость Его.
Хор: Бог Господь, и явися нам, благословен Грядый во Имя Господне. (И далее на каждый стих).
Стих 2: Обыше́дше обыдо́ша мя, и Именем Господним противля́хся им.
Стих 3: Не умру, но жив буду, и пове́м дела Господня.
Стих 4: Камень, Егоже небрего́ша зи́ждущии, Сей бысть во главу́ угла,от Господа бысть Сей, и есть дивен во очесе́х наших.
Тропарь Обре́зания Госпо́дня, глас 1:
На Престо́ле огнезра́чнем / в Вы́шних седя́й со Отце́м Безнача́льным и Божественным Твоим Ду́хом, благоволи́л еси роди́тися на земли́ / от Отрокови́цы Неискусому́жныя, Твоея́ Ма́тере, Иису́се, сего́ ра́ди и обре́зан был еси, яко человек осмодне́вный. Сла́ва всеблаго́му Твоему сове́ту, слава смотре́нию Твоему, слава снизхожде́нию Твоему, Еди́не Человеколюбче. (Дважды).
Слава, Тропарь свт. Василия Великого, глас 1:
Во всю зе́млю изы́де веща́ние твое, яко прие́мшую сло́во твое, и́мже боголе́пно научи́л еси, естество́ су́щих уясни́л еси, челове́ческия обы́чаи украси́л еси, ца́рское свяще́ние, отче преподо́бне, моли́ Христа Бога / спасти́ся душа́м нашим.
И ныне, паки тропарь Обре́зания Госпо́дня, глас 1: На Престо́ле огнезра́чнем / в Вы́шних седя́й……..
И читаются обычныя кафизмы дневныя, которые поло-
жены по ряду, аще прилучится:
---- в воскресение, то → 2-ая и 3-я;
---- в понедельник --- 4-ая и 5-ая;
---- во вторник --- 7-ая и 8-ая;
---- в среду --- 10-ая и 11-ая;
|
|
|
---- в четверток --- 13-ая и 14-ая;
---- в пяток --- 19-я и 20-я;
---- в субботу --- 16-я и 17-я.
По кафисмах же седалны во Октоихе случившагося дня.
К а ф и́ з м ы:
Господи, помилуй. (Трижды). Слава: и ныне:
По прочтении первой (по ряду) кафисмы:
Слава: и ныне. Аллилуиа, аллилуиа, аллилуиа, слава Тебе, Боже. (Трижды).
Ектения́ малая: Паки и паки миром Господу помолимся……
Иерей: Яко Твоя держава и Твое есть Царство, и сила, и слава, Отца и Сына и Святаго Духа, ныне и присно, и во веки веков.
Хор: Аминь.
Седальны:
Святителю:
Глас 5. Подо́бен: Собезнача́льное….
Яко ца́рское украше́ние Це́ркве, Васи́лия вси да восхва́лим, уче́ний сокро́вище неоску́дное, си́ми бо той наказа́ нас Тро́ицу почита́ти Святу́ю, соедине́ну у́бо Существо́м, разделе́ну же Ипоста́сьми.
Слава, Глас 1. Подобен: Гроб Твой…..
Васи́лие прему́дре, предстоя́й Тро́ице, моли́ся получи́ти в День суда́ нам, пою́щим тя и чту́щим память твою, благодать, ми́лость и очище́ние прегреше́ний, яко да усты́ прославля́ем и се́рдцем Еди́наго Человеколю́бца.
И ныне, Обрезания:
Всех Творец и Владыка ми́ра, Сый со Отце́м и Ду́хом горе́, яко Младе́нец обре́зуется на земли́ осмодне́вен. И́стинно Боже́ственна же и чу́дна дела́ Твоя: Ты бо, Владыко, нас ради обре́зался еси, яко Сый зако́на исполне́ние.
Г осподи, помилуй. (Трижды). Слава:и ныне:
По прочтении второй (по ряду) кафисмы:
Слава: и ныне: Аллилуиа, аллилуиа, аллилуиа, слава Тебе, Боже. (Трижды).
Ектения́ малая: Паки и паки миром Господу помолимся … ….
Иерей: Яко Благ и Человеколюбец Бог еси, и Тебе славу возсыла́ем, Отцу и Сыну и Святому Духу, ныне и присно, и во веки веков.
Хор: Аминь.
Седа́льны:
Святителю,
глас 8. Подо́бен: Премудрости….
Неизрече́нныя прему́дрости Богови́дне поче́рпл еси бога́тство та́йное, всем источи́л еси правосла́вия во́ды, ве́рных у́бо сердца́ Боже́ственне веселя́щия, неве́рных же веле́ния досто́йне потопля́ющия. Отню́дуже обою́ду благоче́стия по́ты / показа́лся еси непобеди́м Тро́ицы побо́рник, святи́телю Васи́лие. Моли́ся Христу́ Богу прегреше́ний оставле́ние дарова́ти / пра́зднующим любо́вию святую память твою.
|
|
|
Глас 3.
Слава, Подо́бен: Божественныя веры….
Всю напои́л еси вселенную, я́коже вода́ми, уче́нии твоими, благоче́стия собра́нными догма́ты, жи́зни бо Исто́чник в тебе препочива́ше вои́стинну, Василие. Его́же моли́, я́ко дерзнове́ние стяжа́вый, Богодохнове́нне, дарова́ти нам велию милость.
Глас 4:
И ныне, Обрезанию:
И́же естество́м Неви́димый, ныне ви́дим есть пло́тию: Сло́во Несозда́нное, ныне из Девы Чистыя ражда́емо, зи́ждется. Те́мже и по зако́ну нас ради, челове́ков, я́коже осмодне́вен, обре́зуется Младенец. Тому́ у́бо поклони́мся, яко Спа́су нашему.
Полиеле́й (поёт хор):
Хвалите Имя Господне, хвалите, раби, Господа.
Аллилуиа, аллилуиа, аллилуиа.
Благословен Господь от Сиона, живы́й во Иерусалиме.
Аллилуиа, аллилуиа, аллилуиа.
Испове́дайтеся Го́сподеви, яко Благ, яко в век милость Его.
Аллилуиа, аллилуиа, аллилуиа.
Испове́дайтеся Богу Небесному, яко в век милость Его.
Аллилуиа, аллилуиа, аллилуиа.
Велича́ние святителя Василия Великого:
Духовенство поёт:
Велича́ем тя, святи́телю отче Василие, и чтим святую память твою, ты бо мо́лиши за нас / Христа, Бога нашего.
Хор таже: Велича́ем тя, святи́телю отче Василие, и……
Псало́м избра́нный (поёт хор):
У слы́шите сия́, вси язы́цы, внуши́те вси, живущии по вселенней. / У ста́ моя возглаго́лют премудрость, и поуче́ние се́р-дца моего — ра́зум. / П рииди́те, ча́да, послу́шайте мене, стра́ху Госпо́дню научу́ вас. / Б лаговести́х правду в це́ркви вели́цей. / И стину Твою и спасение Твое рех. / П ове́м Имя Твое бра́тии моей, посреде́ це́ркве воспою́ Тя. / У слы́шати ми глас хвалы́ Твоея́ и пове́дати вся чудеса́ Твоя. / Г осподи, возлюби́х благоле́пие до́му Твоего, и ме́сто селе́ния сла́вы Твоея. / В озненави́дех церковь лука́внующих, и с нечести́выми не ся́ду. / Я ко сохрани́х пути́ Госпо́дни и не нече́ствовах от Бога моего. / У ста́ пра́веднаго поуча́тся премудрости, и язы́к его возглаго́лет суд. / П равда Его пребыва́ет в век ве́ка. / С вященницы Твои облеку́тся правдою, и преподо́бнии Твои возрадуются. / Б лаже́ни живу́щии в дому́ Твоем, в ве́ки веко́в восхва́лят Тя.
|
|
|
При каждении храма после каждого стиха сего псалма
хор поёт величание:
Велича́ем тя, святи́телю отче Василие, и……
Слава: и ныне, Аллилуиа, аллилуиа, аллилуиа, слава Тебе, Боже. (Дважды).
Духовенство:
Аллилуиа, аллилуиа, аллилуиа, слава Тебе, Боже. (Едино-
жды).
И паки величание: Велича́ем тя, святи́телю отче Василие, и……
Ектения́ малая: Паки и паки миром Господу помолимся…
Иерей: Яко благослови́ся Имя Твое и просла́вися Царство Твое, Отца и Сына и Святаго Духа ныне и присно и
Во веки веков.
Хор: Аминь.
С е д а́ л ь н ы:
Святи́теля Василия, глас 8. Подобен: Прему́дрости….
Си́лою слове́с Божественных е́реси низложи́л еси мра́чныя, вся шата́ния Евно́миева погрузи́л еси, челове́ком бо Ду́ха Бога бы́ти пропове́дал еси / и рук возде́нием враги́ умертви́л еси. Все прогна́л еси Саве́ллиево служе́ние, вся же мудрова́ния Несто́риева упраздни́л еси, святи́телю Василие. Моли́ся Христу Богу / прегрешений оставле́ние дарова́ти / пра́зднующим любо́вию святую память твою.
Слава Отцу и Сыну и Святому Духу.
Благодать слове́с твоих Божественных и догма́т высота́ та́инственная / Божественнаго нам бысть восхожде́ния ле́ствица: Ду́ха бо, отче, стяжа́вый трубу́, то́ю пропове́дал еси Божественная уче́ния. Те́мже и на ме́сте всели́лся еси зла́чне, мзды по́двигов твоих прие́м, преподо́бне иера́рше Василие. Моли́ся Христу Богу / прегреше́ний оставле́ние дарова́ти / пра́зднующим любо́вию святую память твою.
|
|
|
Обре́зания Госпо́дня, глас 8:
|
|
|
