Главная | Обратная связь | Поможем написать вашу работу!
МегаЛекции

О довоженье справедливости въ кривдахъ светъскихъ зъ станы духовъными, такъже духовънымъ станы светъскими.




Уставуемъ, если бы се коли якие кривъды деяли з ыменей костелныхъ от врядниковъ, слугъ, бояръ и подданыхъ всякихъ становъ духовныхъ людемъ стану светъского, такъ самой шляхъте, яко слугам и подданымъ ихъ, такъже и мещаномъ местъ нашихъ и иным п[о]дданымъ нашимъ, г[о]с[по]д[а]ръскимъ, о кгвалъты, наезды, розъбой, забойства, о кгвалъты паненъ и невестъ, бой, раны, грабежы, о люди и челедь збеглую и о иные якие кольвекъ речи поточные, ино иж кожъдый з своего слуги и подданого справедливость близъший естъ чынити, тогды тежъ и станы духовъные зъ врядниковъ и слугъ своих, будь оселыхъ, яко и неоселыхъ, и с подданыхъ своихъ повинни будуть справедливость чинити за въпомненьемъ черезь листъ вряду земъского водлугъ сего жъ права писаного статуту земского. А где бы хто з особъ духовъных якого ж колвекъ стану и достоенства справедливости учинити не хотелъ або судомъ своим што кому в чом уближилъ, тогды о то самъ таковый до бискупа того, под которого справою естъ, яко до головънейшого преложоного своего маеть быти позванъ на рокъ певъный от поданья позву очевистого за чотыри недели, а от положенья на именью за шесть недель позвомъ бискупимъ, писанымъ польскимъ писмомъ. И там же самъ маеть особою своею або черезь умоцованого своего стати и оного, на кого жалоба вышла, передъ судомъ бискупим ставити. А княз[ь] бискупъ, которого то владзы будет належати, або врядъ его, постерегаючы в томъ покою посполитого и справедливости светое, абы в чомъ ущербена не была, повиненъ будеть тымъ правомъ посполитымъ и статутомъ земъскимъ справедливость укривъжоному чинить без вшелякое проволоки и затрудъненья, отправу слушную суду своего даючи на виноватом з добръ, з маетности рухомое и з доходовъ правомъ переконаного. А где бы маетности не стало - и на самой особе. А естли бы от самыхъ особъ духовных в чомъ кольвекъ в тыхъ речахъ верхупомененых крывда кому деяласе, тогды о то такъже до кн[я]зя бискупа або вряду его на рокъ позваны быти мають. А княз[ь] бискупъ або врядъ его никоторымъ инымъ, отдно [так!] симъ же правом посполитымъ и статутом земъскимъ то все судити и по суде отправу на виноватомъ, на маетности властной тыхъ духовныхъ особъ лежачой и рухомой, а придет ли до того с права - и на теле каранье водлугъ сего жъ статуту чинити и выконывати будет повинен, чинечи тому всему досыт под присегою своею до рады, намъ учиненою. А естли што у суду духовнаго правомъ светъскимъ будеть осужоно, а на отправу до которого вряду земъского або кгродского одослано, тогды то оный вряд отправовати мает - вед же не вскладаючы в то жадъныхъ такихъ речей, которые бы намъней волности правъ тыхъ и конъфедерацыю нарушати мели. А естъли бы отправы в такихъ речахъ врядъ не учинилъ, тогды о такое недосыть учиненье водъле артыкуловъ, о томъ написаныхъ, волное право зь врядом кождому до суду належного будеть. Ведь же естли бы сторона жалобъная або отъпорная розумела собе быть уближен[ь]е справедъливости своее выроком и сказаньемъ бискупимъ або вряду его, тогды таковой стороне княз[ь] бискупъ або вряд его о речи, тымъ правомъ земъскимъ осужоные, апеляцый допустити будуть повинъни до суду трибунальского. Который трибуналъ нигде инде, одъно в месте нашомъ столечъномъ Виленьскомъ таковые справы за апеляцыями межы станы духовъными и светъскими водлугъ [с]его статуту права посполитого отсуживати маеть. На которые суды трибуналские для таковыхъ справъ мають быти высажоны зъ стороны духовъное три особы, а з стороны станов светъскихъ такъже три особы, межы трибуналистами обраные. И где въ якой справе болшъ особъ межи тыми шестьма особами, на тые суды выбраными, на одъно вотумъ згодятьсе, при тыхъ вотех конъклюзыя зостати маеть. А пакли бы в ровности вотъ о которую справу тые шесть трибуналистовъ не згодилися, тогды таковые речы отсылати мають до насъ, г[о]с[по]д[а]ра. А мы за токовым [так!] отослан[ь]емъ тые справы отсуживати маемъ, где на тотъ часъ дворомъ нашимъ будемъ в семъ панстве нашомъ, великомъ князстве литовскомъ, и без сойму. А где бы теж кому от кн[я]зей бискуповъ кривъда в чомъ деяласе, такъ от самых особъ, якъ от врядъниковъ, слугъ, бояръ и подданыхъ ихъ, а они бы сами за упомнен[ь]емъ от вряду земского черезъ листъ упоминалный сами стороне жалобливой усправедливитися яко особы духовные не хотели альбо з урядниковъ, слугъ, бояр и подданыхъ своих справедливости не учинили водълугъ сего права посполитого, тогды о то до нас, г[о]с[по]д[а]ра, такъже на рокъ завитый позываны и тым же правомъ земскимъ сужоны быти мають, складаючы рокъ за позвы: естъли у великомъ князстве литовскомъ дворомъ нашимъ будем - чотыри недели, а естли за границою великого князства литовского - осмъ недель. Если бы се тежъ людемъ стану духовъного, слугам и подданым ихъ от людей стану светъского кн[я]жатъ, панятъ, шляхты, въ якой кольвекъ зацъности и зверхности будучихъ, такъ в невыдаванью десетинъ, яко и в ынъшыхъ речахъ поточъныхъ, кривъда се якая дЪяла, тогды о такие кривъды особа духовъная особу светскую, от которого се ему кривъда станеть, позывати будеть до его суду властного земъского альбо кгродского тым порядъкомъ, яко се и сами станы светские позывають водълугъ артыкулов, в томъ статуте описаных, з вольнымъ отозван[ь]емъ обема сторонамъ до суду головного трибунальского, сполъного з духовънымъ. А оповеданья и записанье таковых звышъменованыхъ кривдъ и шкодъ, которие от становъ духовъныхъ и ихъ слугъ и подданых починены будуть, мають се деяти на врядехъ земскихъ, кгродских або и духовныхъ, где хто похочеть в тых поветехъ, где тые именья костелъные лежать, або под которымъ врядомъ што се кому от нихъ и слугъ, подданыхъ ихъ кривды станеть. А подъ тым часомъ коли бы которое бискупъство ваковало, або гдЪ бы который бискупъ до чужыхъ паньствъ въ посельствахъ або гдЪ по своих справахъ з сего паньства, великого князства литовъского, от[ъ]ехалъ, тогды укривжоный до капитулы або справцы оного достоенъства, хто тымъ бискупством справовати будеть, поступкомъ, вышей описанымъ, утекатисе и справедливости собе доводити маеть. А они винъни будут справедливость чинити водлугъ сего жъ права и статуту земъского. А то жъ се маеть розумети и о духовныхъ греческого закону, же меньшие з них станы передъ старшими своими преложоными, а преложоные старъшые перед судомъ головнымъ порадъком, вышей описанымъ, усправедливитися людемъ светъского стану повинъни будуть. Лечъ што се дотычеть таких кривдъ поточных с таковыхъ именей станов духовных, от врядниковъ и подданых ихъ албо от нихъ самых, которые праву посполитому и службе земъской военъной подълегли суть, то естъ зъ отчизныхъ, материстых, купленых, дарованых и закупленыхъ и якимъ инымъ обычаемъ набытых, тогды вжо с таковыхъ именей своихъ и духовъные особы такъ, яко и шляхта стану светъского, водле порадъку статутового тому праву посполитому земъскому подлегати мають такъ у суду земъского, кгродского, подъкоморъского и комисаръского, а за апеляцеею - у суду головного.

Артыкулъ 33.

Поделиться:





Воспользуйтесь поиском по сайту:



©2015 - 2024 megalektsii.ru Все авторские права принадлежат авторам лекционных материалов. Обратная связь с нами...