 |
Песнь 6. Дру́гий кано́н. Запе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас († и поклон).
|
|
|
|
Песнь 6
Ирмо́ с: Моли́ тву пролию́ ко Го́ споду и Тому́ возвещу́ печа́ ли моя́, я́ ко зо́ л душа́ моя́ испо́ лнися и живо́ т мо́ й а́ ду прибли́ жися, и молю́ ся, я́ ко Ио́ на: от тли́, Бо́ же, возведи́ мя́.
Припе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас (†).
Моли́ твы множа́ йшия зде́ сь, пред ико́ ною Влады́ чицы, возно́ сятся, егда́ сия́ в правосла́ вную Росси́ ю от Святы́ я Горы́ и́ ноками оби́ тели Ильи́ нския принесе́ ся, ве́ рным во утеше́ ние и в ра́ дость несконча́ емую.
Припе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас (†).
Моли́ тву вся́ к принося́ й Тебе́ с ве́ рою и любо́ вию пред пречи́ стым о́ бразом Твои́ м, Богоро́ дице Преблага́ я, не неуслы́ шан от Тебе́ оты́ дет, все́ м бо вся́ блага́ я да́ руеши, я́ ко Бо́ га и Пита́ тельнице Пита́ теля вселе́ нныя.
Припе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас (†).
Моли́ твенно Тя́ сла́ вим, Пречи́ стая Млекопита́ тельнице, и, с любо́ вию припа́ дающе к многоцеле́ бному Твоему́ о́ бразу, се́ рдцем и усты́ се́ й целу́ ем, ви́ дяще в не́ м зало́ г благода́ тный Твоего́ к на́ м ма́ терняго благоволе́ ния.
Припе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас (†).
|
|
|
Моли́ тися всегда́ усе́ рдно жела́ ние пода́ ждь на́ м, Преблага́ я Влады́ чице, вся́ бо мо́ жеши я́ ко Ма́ ти и Млекопита́ тельница воплоти́ вшагося Бо́ га, Его́ же ми́ лостива на́ м сотвори́ всеси́ льным предста́ тельством Твои́ м и не попусти́ до конца́ поги́ бнути рабо́ м Твои́ м.
Дру́ гий кано́ н
Припе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас (†).
По́ лный истощава́ ется на́ с ра́ ди, и прие́ млет Безнача́ льный от Тебе́ нача́ ло, Де́ во Пренепоро́ чная, и ви́ дится Неви́ димый, и Пита́ яй вся́ ческая млеко́ м пита́ ется, обнови́ ти челове́ ка промышля́ я.
Припе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас (†).
И́ же, всея́ земли́ го́ рстию содержа́ й концы́, ка́ ко ма́ терними не́ драми объе́ млется, млеко́ м же пита́ ется от сосе́ ц, насыща́ я вся́ ко живо́ тно благоволе́ ния, и бога́ тый излия́ ние обнищава́ ет, воплоща́ емь.
Припе́ в: Сла́ ва Отцу́ и Сы́ ну и Свято́ му Ду́ ху (†).
Его́ же тьмы́ а́ нгельския и серафи́ мская мно́ жества ужаса́ ются и разу́ мная тва́ рь трепе́ щет, Того́ я́ ко Младе́ нца, Де́ во, пита́ еши, Его́ же обра́ зно на руку́ Твое́ ю ви́ дяще, всегда́ поклоня́ емся.
Припе́ в: И ны́ не и при́ сно и во ве́ ки веко́ в. Ами́ нь (†).
Ада́ мов Соде́ тель от крове́ й Твои́ х чи́ стых зи́ ждется и млеко́ м пита́ ется, пита́ яй вся́ кое дыха́ ние, Де́ во Богоро́ дице, те́ мже я́ ко Бо́ жию Тя́ сла́ вим Ма́ терь.
|
|
|
Катава́ сия: Божественное сие и всечестное / совершающе празднество, / богомудрии, Богоматере, / приидите, руками восплещим, / от Нея рождшагося Бога славим.
И стихиры сия:
Спаси́ от бед рабы́ Твоя́, Богоро́ дице, я́ ко вси по Бо́ зе к Тебе́ прибега́ ем, я́ ко неруши́ мей стене́ и предста́ тельству (†).
При́ зри благосе́ рдием, всепе́ тая Богоро́ дице, на мое́ лю́ тое телесе́ озлобле́ ние, и исцели́ души́ моея́ боле́ знь (†).
Го́ споди, поми́ луй (3).
Сла́ ва Отцу́ и Сы́ ну и Свято́ му Ду́ ху, и ны́ не и при́ сно и во ве́ ки веко́ в. Ами́ нь († и поклон).
Запе́ в: Пресвята́ я Госпоже́ Богоро́ дице, услы́ ши моли́ тву ра́ б Свои́ х, моля́ щих Ти́ ся́ и спаси́ нас († и поклон).
МОЛИТВА КО ПРЕСВЯТОЙ БОГОРОДИЦЕ
О, Пресвята́ я Влады́ чице, Пречи́ стая Де́ во Богоро́ дице, Го́ спода Бо́ га моего́ И́ исуса Христа́ Ма́ ти! Припа́ даю и молю́ тися, я́ ко Ма́ тери Царе́ вой, предначина́ я к Тебе́ недосто́ йное мое́ сие́ моле́ ние, е́ же при́ емши, О! Ма́ ти Царя́ небесе́ и земли́, принеси́ к Царю́ ца́ рствующих, всех Го́ споду, Сы́ ну Твоему́ и Бо́ гу, и проще́ ние всем согреше́ ниям мои́ м испроси́, житию́ моему́ пода́ ждь исправле́ ние и на кончи́ не от возду́ шных враго́ в немяте́ жное преше́ ствие, ца́ рствия боже́ ственный вход отве́ рсти исхода́ тайствуй ми и та́ мо ра́ йския пи́ щи наслажде́ ния, го́ рняго о́ наго гра́ да, вы́ шняго прекра́ снаго Иерусали́ ма, весе́ лия и неизрече́ нных того́ красо́ т, све́ тлости же трисия́ ннаго Тро́ ичнаго све́ та и сла́ дкаго гла́ са а́ нгельских пе́ ний наслажда́ тися: ея́ же сла́ вы и ра́ дости насле́ дника мя и свя́ тым всем соприча́ стника сотвори́, вся бо мо́ жеши, я́ ко Ма́ ти Царя́ Всемогу́ щаго; и ны́ не у́ бо, изря́ днее же в ча́ с се́ й, услы́ ши мя, Всеми́ лостивая Влады́ чице, предстоя́ ща Ти, вонми́, Госпоже́ Цари́ це, моле́ бное пе́ ние принося́ щу Ти си́ це:
АКАФИСТ
|
|
|
Пресвяте́ й Влады́ чице на́ шей Богоро́ дице в честь чудотво́ рныя Ея ико́ ны, имену́ емыя «Млекопита́ тельница» [7]
Конда́ к 1
Взбра́ нной Воево́ де, Влады́ чице на́ шей Богоро́ дице, похва́ льная пе́ ния прино́ сим Ти́ раби́ Твои́ о явле́ нии чудотво́ рныя ико́ ны Твоея́. Ты́ же, я́ ко иму́ щая милосе́ рдие неизрече́ нное, соблюди́ и спаси́ от вся́ ких бе́ д рабы́ Твоя́, с ве́ рою и любо́ вию вопию́ щия Ти́:
❖ Ра́ дуйся, Богоро́ дице Де́ во, ми́ лостию Твое́ ю при́ сно на́ с пита́ ющая нас (†).
И́ кос 1
Арха́ нгел Гаврии́ л с Небесе́ прии́ де к Тебе́, Богоро́ дице, благовести́ ти непостижи́ мое рожде́ ние от Тебе́ Бо́ га Сло́ ва, и рече́: ра́ дуйся, Благода́ тная, Госпо́ дь с Тобо́ ю. Те́ мже и мы́, смире́ ннии, дерза́ ем вопи́ ти к Тебе́ си́ це:
❖ Ра́ дуйся, А́ нгелов ра́ досте.
❖ Ра́ дуйся, челове́ ков спасе́ ние.
❖ Ра́ дуйся, па́ дшаго ми́ ра обновле́ ние.
❖ Ра́ дуйся, средосте́ ния вражды́ разруше́ ние.
❖ Ра́ дуйся, проро́ ческих глаго́ л исполне́ ние.
❖ Ра́ дуйся, зако́ на дре́ вняго премене́ ние.
❖ Ра́ дуйся, А́ гнца и Па́ стыря во чре́ ве Твое́ м упа́ сшая.
❖ Ра́ дуйся, Творца́ Небесе́ и земли́ пло́ тию ро́ ждшая.
❖ Ра́ дуйся, Пита́ теля вселе́ нныя млекопита́ вшая.
❖ Ра́ дуйся, млеко́ м богопозна́ ния ве́ рных Пита́ тельнице.
❖ Ра́ дуйся, пови́ вшая Повива́ ющаго не́ бо о́ блаки.
❖ Ра́ дуйся, дла́ ньма нося́ щая на Херуви́ мех Носи́ маго.
❖ Ра́ дуйся, Богоро́ дице Де́ во, ми́ лостию Твое́ ю при́ сно на́ с пита́ ющая нас (†).
|
|
|
