 |
Божественная литургия св. Иоанна златоуста
|
|
|
|
Священник: Благословено Царство…
Хор: Аминь.
Великая ектения
С: Миром Господу помолимся.
Х: Господи, помилуй. (На каждое прошение)
(…)
Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Х: Тебе, Господи.
С: Яко подобает Тебе всякая слава, честь и поклонение...
Х: Аминь.
Первый антифон
Благослови, душе моя, Господа./ Благословен еси, Господи./ Благослови, душе моя, Господа,/ и вся внутренняя моя имя святое Его. Благослови, душе моя, Господа,/ и не забывай всех воздаяний Его. Очищающаго вся беззакония твоя,/ исцеляющаго вся недуги твоя. Избавляющаго от истления живот твой,/ венчающаго тя милостию и щедротами. Исполняющаго во благих желание твое:/ обновится, яко орля, юность твоя. Творяй милостыни Господь,/ и судьбу всем обидимым. Сказа пути Своя Моисеови,/ сыновом Израилевым хотения Своя. Щедр и милостив Господь,/ долготерпелив и многомилостив. Благослови, душе моя, Господа,/ и вся внутренняя моя имя святое Его./ Благословен еси, Господи.
Малая ектения
С: Паки и паки, миром Господу помолимся.
Х: Господи, помилуй.
Заступи, спаси, помилуй и сохрани нас, Боже, Твоею благодатию.
Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Х: Тебе, Господи.
С: Яко Твоя держава и Твое есть Царство и сила и слава...
Х: Аминь. Слава Отцу и Сыну и Святому Духу.
Второй антифон
Хвали, душе моя, Господа./ Восхвалю Господа в животе моем,/ пою Богу моему, дондеже есмь. Не надейтеся на князи, на сыны человеческия,/ в нихже несть спасения. Изыдет дух его,/ и возвратится в землю свою:/ в той день погибнут вся помышления его. Блажен, емуже Бог Иаковль помощник его,/ упование его на Господа Бога своего. Сотворшаго небо и землю,/ море и вся, яже в них. Хранящаго истину в век,/ творящаго суд обидимым,/ дающаго пищу алчущим. Господь решит окованныя,/ Господь умудряет слепцы. Господь возводит низверженныя,/ Господь любит праведники. Господь хранит пришельцы,/ сира и вдову приимет,/ и путь грешных погубит. Воцарится Господь во век,/ Бог твой, Сионе, в род и род.
|
|
|
И ныне и присно, и во веки веков. Аминь.
Единородный Сыне и Слове Божий, Безсмертен Сый/ и изволивый спасения нашего ради/ воплотитися от Святыя Богородицы и Приснодевы Марии,/ непреложно вочеловечивыйся,/ распныйся же, Христе Боже, смертию смерть поправый,/ един Сый Святыя Троицы,/ спрославляемый Отцу и Святому Духу, спаси нас.
Малая ектения:
Третий антифон. Блаженны
Во Царствии Твоем помяни нас, Господи,/ егда приидеши, во Царствии Твоем.
Блажени нищии духом,/ яко тех есть Царство Небесное.
Блажени плачущии,/ яко тии утешатся.
Блажени кротции,/ яко тии наследят землю.
Блажени алчущии и жаждущии правды,/ яко тии насытятся.
Блажени милостивии,/ яко тии помиловани будут.
Блажени чистии сердцем,/ яко тии Бога узрят.
Блажени миротворцы,/ яко тии сынове Божии нарекутся.
Блажени изгнани правды ради,/ яко тех есть Царство Небесное.
Блажени есте, егда поносят вам,/ и изженут, и рекут всяк зол глагол на вы, лжуще Мене ради.
Радуйтеся и веселитеся,/ яко мзда ваша многа на небесех.
Слава Отцу и Сыну и Святому Духу, и ныне и присно, и во веки веков. Аминь.
Совершается Малый вход с Евангелием.
С: Премудрость, прости.
Х: Приидите, поклонимся и припадем ко Христу. Спаси ны, Сыне Божий, во святых дивен сый, поющия Ти, аллилуиа.
Хор поет тропари и кондаки.
С: Яко свят еси, Боже наш, и Тебе славу возсылаем...
Х: Аминь.
|
|
|
Трисвятое
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Святый Безсмертный, помилуй нас.
Святый Боже, Святый Крепкий, Святый Безсмертный, помилуй нас.
Читается Апостол и Евангелие, произносится проповедь.
Сугубая ектения
С: Рцем вси от всея души, и от всего помышления нашего рцем.
Х: Господи, помилуй.
Господи Вседержителю, Боже отец наших, молим Ти ся, услыши и помилуй.
Помилуй нас, Боже, по велицей милости Твоей, молим Ти ся, услыши и помилуй.
Х: Господи, помилуй. (Трижды на каждое прошение)
(…)
Еще молимся о милости, жизни, мире, здравии, спасении, посещении, прощении и оставлении грехов рабов Божиих (имена), братии и систер святаго храма сего.
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
С: Яко милостив и Человеколюбец Бог еси...
Х: Аминь.
Заупокойная ектения
С: Помилуй нас, Боже, по велицей милости Твоей, молим Ти ся, услыши и помилуй.
Х: Господи, помилуй. (Трижды на каждое прошение)
Еще молимся о упокоении душ усопших рабов Божиих имя рек, и о еже проститися им всякому прегрешению, вольному же и невольному.
Яко да Господь Бог учинит душы их, идеже праведнии упокояются.
Милости Божия, Царства Небеснаго и оставления грехов их у Христа, безсмертнаго Царя и Бога нашего, просим.
Х: Подай, Господи.
С: Господу помолимся.
Х: Господи, помилуй.
Священник читает молитву.
С: Яко Ты еси воскресение и живот и покой усопших раб Твоих...
Х: Аминь.
Ектения об оглашенных
С: Помолитеся, оглашеннии, Господеви.
Х: Господи, помилуй.
(…)
С: Да и тии с нами славят…
Хор: Аминь.
С: …елицы вернии, паки и паки миром Господу помолимся.
Х: Господи, помилуй. (Протяжно)
Священник читает молитву.
С: Заступи, спаси, помилуй и сохрани нас, Боже, Твоею благодатию.
Х: Господи, помилуй.
С: Яко подобает Тебе всякая слава...
Х: Аминь.
С: Паки и паки, миром Господу помолимся.
Х: Господи, помилуй. (Протяжно)
Священник читает молитву.
С: Заступи, спаси, помилуй и сохрани нас, Боже, Твоею благодатию.
С: Яко да под державою Твоею всегда храними…
Х: Аминь. (Протяжно)
Херувимская песнь
Иже херувимы тайно образующе и животворящей Троице Трисвятую песнь припевающе, всякое ныне житейское отложим попечение.
|
|
|
Совершается Великий вход со св. Дарами.
Х: Аминь./ Яко да Царя всех подымем, ангельскими невидимо дориносима чинми. Аллилуиа, аллилуиа, аллилуиа.
Просительная ектения
С: Исполним молитву нашу Господеви.
Х: Господи, помилуй.
О предложенных честных дарех Господу помолимся.
О святем храме сем и с верою, благоговением и страхом Божиим входящих в онь Господу помолимся.
О избавитися нам от всякия скорби, гнева и нужды Господу помолимся.
Х: Господи, помилуй. (Протяжно)
Священник читает молитву.
Заступи, спаси, помилуй и сохрани нас, Боже, Твоею благодатию.
Пресвятую, пречистую, преблагословенную, славную владычицу нашу Богородицу и приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Х: Тебе, Господи.
С: Щедротами Единороднаго Сына Твоего...
Х: Аминь.
С: Мир всем.
Х: И духови твоему.
С: Возлюбим друг друга, да единомыслием исповемы.
Х: Отца и Сына и Святаго Духа, Троицу единосущную и нераздельную.
С: Христос посреде нас.
Все: И есть, и будет.
С: Двери, двери, премудростию вонмем.
Все: Верую во единаго Бога Отца Вседержителя, Творца небу и земли, видимым же всем и невидимым.
И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша.Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася.Распятаго же за ны при Понтийстем Пилате, и страдавша, и погребенна.И воскресшаго в третий день по Писанием.И возшедшаго на небеса, и седяща одесную Отца.И паки грядущаго со славою судити живым и мертвым, Егоже Царствию не будет конца.
И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.Во едину Святую, Соборную и Апостольскую Церковь.Исповедую едино крещение во оставление грехов.Чаю воскресения мертвых, и жизни будущаго века. Аминь.
|
|
|
С: Станем добре, станем со страхом, вонмем, святое возношение в мире приносити.
Х: Милость мира, жертву хваления.
С: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами.
Х: И со духом твоим.
С: Горе имеим сердца.
Х: Имамы ко Господу.
С: Благодарим Господа.
Х: Достойно и праведно есть покланятися Отцу и Сыну и Святому Духу, Троице единосущней и нераздельней.
Священник читает молитву.
С: Победную песнь поюще, вопиюще, взывающе и глаголюще.
Х: Свят, свят, свят Господь Саваоф, исполнь небо и земля славы Твоея; осанна в вышних, благословен Грядый во имя Господне, осанна в вышних.
Священник продолжает чтение молитвы.
С: Приимите, ядите, сие есть Тело Мое, еже за вы ломимое во оставление грехов.
Х: Аминь.
С: Пийте от нея вси, сия есть Кровь Моя Новаго Завета, яже за вы и за многия изливаемая, во оставление грехов.
Х: Аминь.
Священник продолжает чтение молитв.
С: Твоя от Твоих Тебе приносяще, о всех и за вся.
Х: Тебе поем, Тебе благословим, Тебе благодарим, Господи, и молим Ти ся, Боже наш. (Протяжно)
Священник читает молитвы и затем благословляет св. Дары. Все совершают земной поклон. Священник продолжает чтение молитв.
С: Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии.
Х: Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Священник продолжает чтение молитв.
С: В первых помяни, Господи…
Х: И всех, и вся.
С: Помяни Господи весь сию, в нейже живем…
Х: Аминь.
С: И да будут милости великаго Бога и Спаса нашего Иисуса Христа со всеми вами.
Х: И со духом твоим.
Просительная ектения
С: Вся святыя помянувше, паки и паки миром Господу помолимся.
Х: Господи, помилуй.
О принесенных и освященных Честных Дарех Господу помолимся.
Яко да человеколюбец Бог наш, прием я во святый и пренебесный и мысленный cвой жертвенник, в воню благоухания духовнаго, возниспослет нам божественную благодать и дар cвятаго Духа, помолимся.
О избавитися нам от всякия скорби, гнева и нужды Господу помолимся.
Х: Господи, помилуй. (Протяжно)
Священник читает молитву.
Заступи, спаси, помилуй и сохрани нас, Боже, Твоею благодатию.
Дне всего совершенна, свята, мирна и безгрешна у Господа просим.
Х: Подай, Господи. (На каждое прошение)
(…)
Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.
Х: Тебе, Господи.
|
|
|
С: И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати.
Все: Отче наш, Иже еси на небесех, да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
С: Яко Твое есть Царство, и сила, и слава...
Х: Аминь.
С: Мир всем.
Х: И духови твоему.
С: Главы ваша Господеви приклоните.
Х: Тебе, Господи. (Протяжно)
Священник читает молитву.
С: Благодатию, и щедротами, и человеколюбием…
Х: Аминь. (Дважды и протяжно)
С: Вонмем. Святая – святым.
Х: Един свят, един Господь, Иисус Христос, во славу Бога Отца. Аминь.
Священник причащается у престола.
Х: Радуйтеся, праведнии, о Господе, правым подобает похвала. Аллилуиа, аллилуиа, аллилуиа.
Читаются молитвы перед причащением или поучение.
С: Со страхом Божиим, верою и любовию приступите.
Х: Благословен Грядый во имя Господне, Бог Господь и явися нам.
Священник и все причастники произносят: Верую, Господи, и исповедую, яко Ты еси воистинну Христос, Сын Бога живаго, пришедый в мир грешныя спасти, от нихже первый есмь аз. Еще верую, яко сие есть самое пречистое Тело Твое, и сия есть самая честная Кровь Твоя. Молюся убо Тебе: помилуй мя и прости ми прегрешения моя, вольная и невольная, яже словом, яже делом, яже ведением и неведением, и сподоби мя неосужденно причаститися пречистых Твоих Таинств, во оставление грехов и в жизнь вечную. Аминь.
Вечери Твоея тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.
Да не в суд или во осуждение будет мне причащение Святых Твоих Таин, Господи, но во исцеление души и тела. Аминь.
По окончании молитв причастники полагают земной поклон. Подходить к чаше следует с благоговением, крестообразно сложив руки на груди, называя свои имена.
Х: Тело Христово приимите, источника безсмертнаго вкусите.
В конце священник произносит: Аллилуиа. (Трижды)
Х: Аллилуиа. (Трижды)
С: Спаси, Боже, люди Твоя, и благослови достояние Твое.
Х: Видехом свет истинный,/ прияхом Духа Небеснаго,/ обретохом веру истинную,/ нераздельней Троице покланяемся,/ Та бо нас спасла есть.
С: Благословен Бог наш всегда, ныне и присно, и во веки веков.
Х: Аминь./ Да исполнятся уста наша/ хваления Твоего Господи,/ яко да поем славу Твою,/ яко сподобил еси нас причаститися/ Святым Твоим, Божественным, безсмертным и животворящим Тайнам,/ соблюди нас во Твоей святыни/ весь день поучатися правде Твоей./ Аллилуиа, аллилуиа, аллилуиа.
Заключительная ектения
С: Прости приимше божественных, святых, пречистых, безсмертных, небесных и животворящих, страшных Христовых Таин, достойно благодарим Господа.
Х: Господи, помилуй.
Заступи, спаси, помилуй и сохрани нас, Боже, Твоею благодатию.
День весь совершен, свят, мирен и безгрешен испросивше, сами себе и друг друга, и весь живот наш Христу Богу предадим.
Х: Тебе, Господи.
С: Яко Ты еси освящение наше, и Тебе славу возсылаем…
Х: Аминь.
С: С миром изыдем.
Х: О имени Господни.
С: Господу помолимся.
Х: Господи, помилуй.
С: Благословляяй благословящия Тя, Господи…
Х: Аминь./ Буди имя Господне благословено от ныне и до века. (Трижды)
Псалом 33
Благословлю Господа на всякое время,/ выну хвала Его во устех моих. О Господе похвалится душа моя,/ да услышат кротцыи и возвеселятся. Возвеличите Господа со мною/ и вознесем имя Его вкупе. Взысках Господа и услыша мя,/ и от всех скорбей моих избави мя. Приступите к Нему и просветитеся,/ и лица ваша не постыдятся. Сей нищий воззва, и Господь услыша и,/ и от всех скорбей eго спасе и. Ополчится Ангел Господень окрест боящихся Его,/ и избавит их. Вкусите и видите, яко благ Господь;/ блажен муж, иже уповает Нань. Бойтеся Господа, вси святии Его,/ яко несть лишения боящимся Его. Богатии обнищаша и взалкаша,/ взыскающии же Господа не лишатся всякаго блага. Приидите, чада, послушайте мене,/ страху Господню научу вас. Кто есть человек хотяй живот,/ любяй дни видети благи? Удержи язык твой от зла,/ и устне твои, еже не глаголати льсти. Уклонися от зла, и сотвори благо./ Взыщи мира, и пожени и. Очи Господни на праведныя,/ и уши Его в молитву их. Лице же Господне на творящия злая,/ еже потребити от земли память их. Воззваша праведнии, и Господь услыша их,/ и от всех скорбей их избави их. Близ Господь сокрушенных сердцем,/ и смиренныя духом спасет. Многи скорби праведным,/ и от всех их избавит я Господь. Хранит Господь вся кости их,/ ни едина от них сокрушится. Смерть грешников люта,/ и ненавидящии праведнаго прегрешат. Избавит Господь душы раб Своих,/ и не прегрешат вси, уповающии на Него.
С: Благословение Господне на вас...
Х: Аминь.
С: Слава Тебе, Христе Боже, упование наше, слава Тебе.
Х: Слава: и ныне: / Господи, помилуй. (Трижды) / Благослови.
Священник произносит отпуст.
Х: Великого господина и отца нашего (имя), святейшего патриарха Московского и всея Руси, и господина нашего высокопреосвященнейшаго (имя), митрополита Брянского и Севского, и господина нашего преосвященнейшего (имя), епископа Клинцовского и Трубевского, богохранимую страну нашу Российскую, настоятеля и прихожан святаго храма сего, и вся православныя христианы, Господи, сохрани их на многая лета.
По традиции все присутствующие прикладываются ко кресту. Произносятся приходские объявления, а также могут читаться Благодарственные молитвы.
|
|
|
