Главная | Обратная связь | Поможем написать вашу работу!
МегаЛекции

Молитва краткая об усопших




Помяни, Господи, души усопших раб Твоих (имена) и всех сродников, и благодетелей моих, и всех Православных воинов, за Веру, Царя и Отечество [и на землях Украинских и Сирийских] живот свой положивших, и прости их вся согрешения вольныя и невольныя, даруя им Царствие и причастие вечных Твоих благ и Твоея бесконечная и блаженныя жизни наслаждения, и сотвори им вечную память.

Молитва об усопших

Помяни, Господи, от жития сего отшедшия правоверныя Цари и Царицы, благоверныя Князи и Княгини, Святейшыя Патриархи, преосвященныя митрополиты, архиепископы и епископы православныя, во иерействе же и притче церковнем и монашестем чине Тебе послужившыя, и в вечных Твоих селениих со святыми упокой. (Поклон.)

Помяни, Господи, душы усопших рабов Твоих, отца моего духовнаго (имя), родителей моих (имена) и всех сродников по плоти: и прости их вся согрешения вольная и невольная, даруя им Царствие и причастие вечных Твоих благ и Твоея безконечныя и блаженныя жизни наслаждение. (Поклон.)

Помяни, Господи, и вся в надежди воскресения и жизни вечныя усопшыя отцы и братию нашу, и сестры, и зде лежащыя, и повсюду православныя христианы, и со святыми Твоими, идеже присещает свет лица Твоего, всели, и нас помилуй, яко благ и человеколюбец. Аминь. (Поклон.)

Со Святыми упокой, Христе, душы раб Твоих (имена), всех Христиан за Веру, Царя и Отечество [и на землях Украинских и Сирийских] живот свой положивших, идеже несть болезнь, ни печаль, ни воздыхание, но жизнь безконечная.


 

______

Молитва пред учением

Премудрости Наставниче, Смысла Подателю, немудрых Наказателю, и нищих Защитителю, утверди, вразуми сердце мое, Владыко, Ты даждь ми слово, Отчее Слово: се да устнам моим не возбраню, во еже звати Teбе, Милостиве: помилуй мя, падшаго (-ую).

Или: Преблагий Господи! Низпосли нам благодать Духа Твоего Святаго, дарствующаго и укрепляющаго душевныя нашя силы, дабы внимающе преподаваемому нам учению, возрасли мы Тебе нашему Создателю во славу, родителем же нашим на утешение, Церкви и Отечеству на пользу. Аминь

Молитва после учения

Благодарим Тебе, Создателю, яко сподобил еси нас благодати Твоея, во еже внимати учению. Благослови Царя нашего, начальников, родителей и учителей, ведущие ны к познанию блага, и подаждь нам силу и крепость к продолжению учения сего. Аминь.

Молитва пред обедом

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги нашя, якоже и мы оставляем должником нашым; и не введи нас во искушение, но избави нас от лукаваго.

Молитва после обеда

Благодарим Тя, Христе Боже наш, яко насытил еси нас земных Твоих благ, не лиши нас и Небеснаго Твоего Царствия, но яко посреде Учеников Твоих пришел еси, Спасе, мiр даяй им, прииди к нам и спаси нас.

Молитва пред ужином

Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всяко животно благоволения.

 

Молитва после ужина

Благословен Богъ, милуяй и питаяй нас от юности нашея, даяй пищу всякой плоти, исполни радости и веселия сердца наша, да всегда всякое довольство имуще, преизобилуем во всякое дело благое, во Христе Иисусе Господе нашем: с Нимже Тебе слава подобает, держава, честь и поклонение, со Святым Духом во веки. Аминь.

Слава Тебе, Господи, слава Тебе, Святый, слава Тебе, Царю, яко дал еси нам брашна в веселие: исполни нас и Духа Святаго, да обрящемся пред Тобою благоугодни и непостыдни, егда воздаси комуждо по делом его.

 

Молитва пред начатием всякаго дела (глаголи тайно или мысленно)

Господи Иисусе Христе, Сыне Единородный Безначальнаго Твоего Отца, Ты рекл еси пречистыми усты Твоими: яко без Мене не можете творити ничегоже. Господи мой, Господи, верою объем в души моей и сердце Тобою реченная, припадаю Твоей благости: помози ми грешному сие дело, мною начинаемо, о Тебе Самем совершити, во имя Отца и Сына и Святаго Духа. Аминь.

 

Молитва по окончании дела (глаголи тайно или мысленно)

Исполнение всех благих, Ты еси, Христе мой, исполни радости и веселия душу мою и спаси мя, яко Един и Многомилостив.


 

МОЛИТВЫ НА СОН ГРЯДУЩИМ

Во имя Отца и Сына и Святаго Духа. Аминь.

Затем немного подожди, пока все чувства твои не придут в тишину и мысли твои не оставят все земное, и тогда произноси следующие молитвы, без поспешности и со вниманием сердечным:

Молитва мытаря (Евангелие от Луки, глава 18, стих 13)

Боже, милостив буди мне грешному (-ой). (Поклон)


Молитва предначинательная

Господи Иисусе Христе, Сыне Божий, молитв ради Пречистыя Твоея Матере, Святаго Благовернаго Царя-Искупителя Николая, и всех Святых, помилуй нас. Аминь.

Слава Тебе, Боже наш, слава Тебе.

 

Молитва Святому Духу

Царю Небесный, Утешителю, Душе истины, Иже везде сый и вся исполняяй, сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души нашя.

Трисвятое

Святый Боже, Святый Крепкий, Святый Безсмертный, помилуй нас. (Три раза.)

Слава Отцу и Сыну и Святому Духу, и ныне и присно и во веки веков. Аминь.

Молитва ко Пресвятой Троице

Пресвятая Троице, помилуй нас; Господи, очисти грехи нашя; Владыко, прости беззакония наша; Святый, посети и исцели немощи нашя, имене Твоего ради.

Господи, помилуй. (Три раза.)

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги нашя, якоже и мы оставляем должником нашым; и не введи нас во искушение, но избави нас от лукаваго. Яко Твое есть Царство, Сила и Слава, во веки. Аминь.

Тропари

Помилуй нас, Господи, помилуй нас; всякаго бо ответа недоумеюще, сию Ти молитву яко Владыце грешнии приносим: помилуй нас.

Слава Отцу и Сыну и Святому Духу.

Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.

И ныне и присно и во веки веков. Аминь.

Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода Христианскаго.

 

Приидите, поклонимся Цареви нашему Богу. (поклон)

Приидите, поклонимся, и припадем Христу, Цареви нашему Богу. (поклон)

Приидите, поклонимся, и припадем Самому Христу, Цареви и Богу нашему. (поклон)

Псалом 50

Помилуй мя, Боже, по велицей милости Твоей и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отъими от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Богъ не уничижит. Ублажи, Господи, благоволением Твоим Сиона, и да созиждутся стены Иерусалимския[9]. Тогда благоволиши жертву правды, возношение и всесожегаемая, тогда возложат на олтарь Твой тельцы.

Символ веры

1Верую во единаго Бога Отца, Вседержителя, Творца небу и земли, видимым же всем и невидимым. 2И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. 3 Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася. 4 Распятаго же за ны при Понтийстем Пилате, и страдавша, и погребенна. 5И воскресшаго в третий день по Писанием. 6И возшедшаго на небеса, и седяща одесную Отца. 7И паки грядущаго со славою судити живым и мертвым, Егоже Царствию не будет конца. 8И в Духа Святаго, Господа Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго Пророки. 9 Во едину Святую, Соборную и Апостольскую Церковь. 10Исповедую едино крещение во оставление грехов. 11 Чаю воскресения мертвых, 12 и жизни будущаго века. Аминь.

Русский Символ веры

(Молитва Св. Прп. Феодосия Кавказского)

Верую, Господи, в Православное Царское Самодержавие, Духом Святым клятвенно утвержденное на вечные времена освященным Собором и Русским народом в 1613 г. от Воплощения Христова для мира и благоденствия нашего Отечества и для спасения души, яко учили о том же и все святые угодники Божии русские последних веков. Аминь.

Молитва к Богу Отцу

Св. Макария Великаго

Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти, Господи, смиренную мою душу от всякия скверны плоти и духа. И даждь ми, Господи, в нощи сей сон прейти в мире, да востав от смиреннаго моего ложа, благоугожду пресвятому имени Твоему, во вся дни живота моего, и поперу борющыя мя враги плотския и безплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть Царство и сила и слава, Отца и Сына и Святаго Духа, ныне и присно и во веки веков. Аминь.

Поделиться:





Воспользуйтесь поиском по сайту:



©2015 - 2024 megalektsii.ru Все авторские права принадлежат авторам лекционных материалов. Обратная связь с нами...