 |
Символъ Веры трехъ сотъ осьминадесяти Святыхъ отецъ Перваго Вселенскаго Собора, Никейскаго, составленный въ 325 году по Рождестве Христове.
|
|
|
|
Символъ Веры ста пятидесяти Святыхъ отецъ Второго Вселенскаго Собора, Константинопольскаго, дополненный въ 381 году
Догматъ шести сотъ тридесяти Святыхъ отецъ Четвертаго Вселенскаго Собора, Халкидонскаго, о Двухъ Естествахъ во Единомъ Лице Господа нашего, Иисуса Христа (451)
Догматъ ста семидесяти Святыхъ отецъ Шестаго Вселенскаго Собора, Константинопольскаго, о Двухъ Воляхъ и Действияхъ въ Господе нашемъ Иисусе Христе (680)
Догматъ трехъ сотъ шестидесяти седми Святыхъ отецъ Седмаго Вселенскаго Собора, Никейскаго, о Иконопочитании (783 –787)
С И М В О Л Ъ В Е Р Ы
Трехъ сотъ осьминадесяти Святыхъ отецъ Перваго Вселенскаго Собора, Никейскаго, составленный въ 325 году по Рождестве Христове.
Веруемъ во Единаго Бога Отца, Вседержителя, Творца всехъ видимыхъ и Невидимыхъ. И во Единаго Господа Иисуса Христа, Сына Божия, Единороднаго, Рожденнаго от Отца, то Есть из Сущности Отца, Бога от Бога, Света от Света, Бога Истинна от Бога Истинна, Рожденна, Не Сотворенна, Единосущна Отцу, Имже вся Быша, яже на Небеси и на земли: насъ ради человекъ и нашего ради Спасения Сшедшаго, и Воплотившася и Вочеловечшася, Страдавша, и Воскресшаго въ третий день, и Возшедшаго на Небеса и Седяща Одесную Отца, и паки Грядущаго Судити живымъ и мертвымъ. И во Святаго Духа. Глаголющихъ же о Сыне Божиемъ, яко Бысть время, егда Не Бе, или яко прежде неже Родитися, не Бе, или яко от не сущихъ Бысть, или из иныя ипостаси или сущности глаголющихъ Быти, или превратима или изменяема Сына Божия, сихъ А н а ф е м а т с т в у е т ъ Кафолическая и Апостольская Церковь.
С И М В О Л Ъ В Е Р Ы
Ста пятидесяти Святыхъ отецъ Второго Вселенскаго Собора, Константинопольскаго, дополненный въ 381 году
|
|
|
Веруемъ во Единаго Бога Отца, Вседержителя, Творца небу и земли, видимымъ же всемъ и Невидимымъ. И во Единаго Господа Иисуса Христа, Сына Божия, Единароднаго, Иже от Отца Рожденнаго прежде всехъ векъ: Света от Света, Бога Истинна от Бога Истинна, Рожденна, Не Сотворенна, Единосущна Отцу, Имже вся Быша. Насъ ради человекъ, и нашего ради Спасения Сшедшаго съ Небесъ и Воплотившагося от Духа Свята и Марии Девы, и Вочеловечшася: Распятаго же за ны при Понтийстемъ Пилате, и Страдавша, и Погребенна. И Воскресшаго въ третий день по Писаниемъ: и Возшедшаго на Небеса и Седяща одесную Отца: и паки Грядущаго со Славою Судити живымъ и мертвымъ, Его же Царствию не будетъ Конца. И въ Духа Святаго, Господа, Животворящаго, Иже от Отца Исходящаго, Иже со Отцемъ и Сыномъ Спокланяема и Сславима, Глаголавшаго Пророки. Во Едину Святую, Соборную и Апостольскую Церковь. Исповедуемъ едино Крещение во оставление греховъ. Чаемъ Воскресения мертвыхъ, и Жизни будущаго века. Аминь.
Д О Г М А Т Ъ
Шести сотъ тридесяти Святыхъ отецъ Четвертаго Вселенскаго Собора, Халкидонскаго (451)
О Д в у х ъ Е с т е с т в а х ъ во Единомъ Лице Господа нашего, Иисуса Христа
Последующе Божественнымъ отцемъ, все единогласно поучаемъ исповедывати Единаго и Тогожде Сына, Господа нашего Иисуса Христа, Совершенна въ Божестве и Совершенна въ человечестве: Истинно Бога и Истинно человека, тогожде из Души и Тела: Единосущна Отцу по Божеству, и Единосущна Тогожде намъ по человечеству: по всему намъ подобна, кроме греха: Рожденна прежде векъ от Отца по Божеству, въ последние же дни тогожде, ради насъ и ради нашего Спасения, от Марии Девы Богородицы, по человечеству: Единаго и Тогожде Христа, Сына, Господа, Единороднаго, во Двухъ Естествахъ Неслитно, Неизменно, Нераздельно, Неразлучно Познаваемаго, никакоже различию двухъ Естествъ потребляему соединениемъ, паче же сохраняему свойству коегождо Естества, во Едино Лице и во Едину Ипостась Совокупляемаго: не на два Лица разсекаемаго или разделяемаго, но Единаго и Тогожде Сына, и Единороднаго Бога Слова, Господа Иисуса Христа, якоже древле Пророцы о Немъ, и якоже Самъ Господь Иисусъ Христосъ Научи насъ, и якоже Предаде намъ Символъ отецъ нашихъ.
|
|
|
Д О Г М А Т Ъ
Ста семидесяти Святыхъ отецъ Шестаго Вселенскаго Собора, Константинопольскаго (680)
О Д в у х ъ В о л я х ъ и Д е й с т в и я х ъ въ Господе нашемъ Иисусе Христе
И Две Естественныя Воли и Хотения въ Немъ, и Два Естественныя Действия, Неразлучно, Неизменно, Нераздельно, Неслиянно, по Учению Святыхъ отецъ нашихъ, такожде проповедуемъ: Два же Естественныя Хотения Не Противныя, да не будетъ, якоже нечестивии еретицы рекоша, но Его Человеческое Хотение, Последующее, и Не Противостоящее, или Противоборствующее, паче же и Подчиняющееся Его Божественному и Всемогущему Хотению.
Д О Г М А Т Ъ
Трехъ сотъ шестидесяти седми Святыхъ отецъ Седмаго Вселенскаго Собора, Никейскаго (783 –787)
О И к о н о п о ч и т а н и и
Хранимъ не нововводно все, Писаниемъ, или без Писания Установленныя для насъ Церковныя Предания, от нихже едино есть Иконнаго Живописания Изображение, яко повествованию Евангельския Проповеди согласующее, и служащее намъ ко Уверению Истиннаго, а не Воображаемаго Воплощения Бога Слова, и къ подобной пользе. Яже бо едино другимъ указуются, несомненно едино другимъ уясняются. Симъ тако Сущымъ, аки Царскимъ Путемъ Шествующе, Последующе Богоглаголивому Учению Святыхъ отецъ нашихъ и Преданию Кафолическия Церкве, (вемы бо, яко Сия Есть Духа Святаго въ ней Живущаго,) со всякою достоверностию и тщательнымъ разсмотрениемъ определяемъ: Подобно Изображению Честнаго и Животворящаго Креста, полагати во Святыхъ Божиихъ Церквахъ, на Священныхъ Сосудахъ и Одеждахъ, на стенахъ и на доскахъ, въ домахъ и на путяхъ, честныя и Святыя Иконы, написанныя красками и из дробныхъ камений и из другаго способнаго къ тому вещества устрояемыя, якоже Иконы Господа и Бога и Спаса нашего Иисуса Христа, и Непорочныя Владычицы, такожде и честныхъ Ангеловъ и всехъ Святыхъ и Преподобныхъ мужей. Елико бо часто чрез Изображение на Иконахъ Видимы бываютъ, потолику взирающии на оныя подвизаемы бываютъ Воспоминати и Любити Первообразныхъ имъ, и Чествовати ихъ лобызаниемъ и почитательнымъ поклонениемъ, не истиннымъ, по вере нашей, Богопоклонениемъ, еже подобаетъ Единому Божескому Естеству, но почитаниемъ по тому Образу, якоже Изображению Честнаго и Животворящаго Креста и Святому Евангелию и прочымъ Святынямъ, фимиамомъ и поставлениемъ свещей Честь воздается, яковый и у древнихъ Благочестный обычай былъ. Ибо Честь Воздаваемая Образу Преходитъ къ Первообразному, и покланяющиися Иконе, поклоняется Существу Изображеннаго на Ней. Тако бо (падшим) Утверждается Учение Святыхъ отецъ нашихъ, сиесть, Предание Кафолическия Церкве, от конецъ до конецъ земли приявшия Евангелие.
|
|
|
|
|
|
