 |
5. Асноўныя вынікі і ўрокі гістарычнага развіцця Беларусі.
|
|
|
|
5. Асноўныя вынікі і ўрокі гістарычнага развіцця Беларусі.
АСНОЎНЫЯ ТЭРМІНЫ
Прыватызацыя – раздзяржаўленне, пераход маёмасці з дзяржаўнай уласнасці ў прыватную або акцыянерную.
Путч - спроба дзяржаўнага перавароту з удзелам невялікай групы змоўшчыкаў, тайная змова перавароту, якая не ажыццявілася.
Ратыфікацыя – зацвярджэнне органамі дзяржаўнай улады міжнароднага дагавора альбо пагаднення, пасля якога дакумент набывае юрыдычную сілу.
Рэферэндум – галасаванне выбаршчыкаў па якім-небудзь пытанні дзяржаўнага або грамадскага жыцця.
ВАЖНЕЙШЫЯ ПАДЗЕІ
26 студзеня 1990 г. – прыняцце Вярхоўным Саветам БССР Закона аб мовах.
27 ліпеня 1990 г. - прыняцце Вярхоўным Саветам БССР Дэкларацыі аб дзяржаўным суверэнітэце.
13 кастрычніка 1990 г. – прыняцце Вярхоўным Саветам БССР Праграмы пераходу да рыначных адносін.
19 – 21 жніўня 1991 г. – путч ГКЧП.
25 жніўня 1991 г. – наданне Дэкларацыі аб дзяржаўным суверэнітэце БССР статусу канстытуцыйнага закона.
4 верасня 1991 г. – прыняцце Вярхоўным Саветам БССР Закона аб культуры.
19 верасня 1991 г. – зацвярджэнне назвы дзяржавы – Рэспубліка Беларусь і дзяржаўных сімвалаў – герба «Пагоня» і бела-чырвона-белага сцяга.
18 кастрычніка 1991 г. – прыняцце Закона «Аб грамадзянстве Рэспублікі Беларусь».
8 снежня 1991 г. – падпісанне кіраўнікамі Беларусі, Расіі і Украіны Белавежскіх (Віскулёўскіх) пагадненняў аб ўтварэнні Садружнасці Незалежных Дзяржаваў (СНД) і дэнансацыі саюзнага дагавора 1922 г.
15 сакавіка 1994 г. – прыняцце Канстытуцыі Рэспублікі Беларусь.
10 ліпеня 1994 г. – першыя выбары Прэзідэнта Рэспублікі Беларусь.
14 мая 1995 г., 24 лістапада 1996 г., 17 кастрычніка 2004 г. – агульнарэспубліканскія рэферэндумы.
|
|
|
КАНТРОЛЬНЫЯ ПЫТАННІ І ЗАДАННІ
7. Як Вы лічыце, ці магчымы пераход краіны ад таталітарных да дэмакратычных форм жыцця без перамен у грамадскай свядомасці? Адказ абгрунтуйце.
8. Дайце ацэнку жнівеньскаму путчу ГКЧП і прааналізуйце прычыны правалу спробы дзяржаўнага перавароту.
9. Паспрабуйце змадэліраваць альтэрнатыўныя варыянты магчымага развіцця Беларусі ў апошняй чвэрці ХХ ст.
10. Вызначце і прааналізуйце сувязь паміж палітычнымі і эканамічнымі рэформамі ў Рэспубліцы Беларусь.
11. Дакажыце шматвектарнасць знешнепалітычнай дзейнасці Рэспублікі Беларусь.
ПРЫКЛАДНАЯ ТЭМАТЫКА РЭФЕРАТАЎ
1. Беларуская эканамічная мадэль: ад пераходу да рынку да сацыяльна арыентаванай рыначнай эканомікі.
2. Эвалюцыя палітычнай сістэмы Рэспублікі Беларусь.
3. Культура незалежнай Беларусі: умовы развіцця, здабыткі і дасягненні.
ЛІТАРАТУРА
1. Агульныя пытанні гісторыі Беларусі. Беларусь ад Старажытных часоў да нашых дзён: Зб. артыкулаў. – Мінск, 1993.
2. Данилов А. Н. Переходное общество: проблемы системной трансформации. – Минск, 1997.
3. Драгун О., Креп Т. Предпринимательская деятельность в Белоруссии //Человек и экономика. – 1991. – № 9.
4. Елаўскіх В. У. Механізм тармажэння і шляхі пераадольвання ў вынаходніцтве і рацыяналізацыі // Весці АН БССР. Сер. грамад. навук. – 1991. – № 6.
5. Злотников Л. Годы независимости, движение по замкнутому кругу // Белорус. рынок. –1995. – № 2.
6. Мірановіч Я. Найноўшая гісторыя Беларусі. – Санкт-Пецярбург, 2003.
7. Мясникович М. В. Становление рыночной экономики в Республике Беларусь. – Минск: Изд-во БГУ, 1995.
8. Тихомиров А. В. Беларусь в международных отношениях 1772 – 2002 гг. – Минск, 2003.
9. Шимов В. Н. Экономическое развитие Беларуси на рубеже веков: проблемы, итоги, перспективы. – Минск, 2003.
|
|
|
10. Шыбека З. Нарыс гісторыі Беларусі (1795 – 2002). – Мінск, 2003.
11. Эканамічная гісторыя Беларусі /Пад рэд. В. І. Галубовіча. – Выд. 3-е. – Мінск, 1999.
ЗАКЛЮЧЭННЕ
Гісторыя Беларусі багатая і самабытная. Яна з’яўляецца скарбам не толькі непасрэдна беларускага народа, але і неад’емнай часткай славянскай і еўрапейскай гісторыі. У беларускай гістарыяграфіі вылучаюцца некалькі агульных заканамернасцей, у адпаведнасці з якімі адбывалася развіццё народаў Еўропы, у тым ліку і беларускага:
· асноўныя этапы цывілізацыйнага развіцця (Старажытнасць, Сярэднія вякі, Новы час, Навейшы час);
· этапы сацыяльна-эканамічнага развіцця (дзікасць, варварства, аграрнае грамадства, індустрыяльнае грамадства);
· формы палітычнага ладу (манархія, таталітарызм, дэмакратыя);
· этапы духоўнага і культурнага развіцця (прыняцце хрысціянства, Рэнесанс, Рэфармацыя, Контррэфармацыя, Асветніцтва) і інш.
У сваім развіцці беларускі народ прайшоў доўгі і няпросты шлях. Займаючы выгаднае геаграфічнае становішча, беларускія землі траплялі ў сферу палітычных інтарэсаў розных дзяржаваў і вельмі часта паняволі ўцягваліся ў ваенныя канфлікты. Войны аказалі вельмі значны ўплыў на фарміраванне беларускага этнасу і менталітэту. Але ў гэтых цяжкіх выпрабаваннях беларусы здолелі выстаяць, зберагчы нацыянальныя каштоўнасці і адметнасці – мову, культуру, звычаі.
Адной з асаблівасцяў гісторыі Беларусі з’яўляецца той факт, што беларуская нацыя фарміравалася ў асноўным як нацыя сялянская. Уваходжанне Беларусі ў склад Рэчы Паспалітай, Расійскай імперыі і Савецкага Саюза суправаджалася палітыкай паланізацыі і русіфікацыі. У выніку гістарычна склалася так, што беларуская нацыянальная інтэлігенцыя доўгі час існавала толькі ў першым пакаленні. Таму можна сказаць, што беларускі народ здолеў захавацца як самастойны этнас не «дзякуючы», а «насуперак» многім гістарычным падзеям і палітычным памкненням.
Галоўным багаццем Беларусі заўсёды былі людзі. Працавітыя, таленавітыя і сумленныя, яны штодзённай працай стваралі матэрыяльныя і духоўныя каштоўнасці, якія сёння з’яўляюцца нашымі здабыткамі.
Гісторыя беларускага народа працягваецца, і ад кожнага з нас залежыць, якім будзе будучае нашай краіны.
|
|
|
